Finss.az xəbər verir ki, İngiltərə Bankının baş iqtisadçısı Hugh Pill Britaniyada davamlı yüksək inflyasiya risklərinin artmasını əsas gətirərək, faiz dərəcələrinin daha da azaldılmasına qarşı ehtiyatlı yanaşma çağırışı edib.

Cümə günü Londonda keçirilən tədbirdə çıxış edən Pill bildirib:

“Həddindən artıq kəskin və həddindən artıq sürətli faiz endirimlərindən qaçınmaq vacibdir. İnflyasiya təzyiqlərinin davamlılığını nəzərə almaq ehtiyacı artır.”

Pill qeyd edib ki, əgər iqtisadiyyat İngiltərə Bankının proqnozlarına uyğun inkişaf edərsə, 2026-cı ildə faiz endirimləri davam edə bilər. Lakin bu proses təhlükəli dərəcədə sürətli olmamalıdır.

Baş iqtisadçı qeyd edib ki, inflyasiyanın yumşaldılması prosesi hələ də lazım olan sürətlə irəliləmir. Bu isə pul siyasətində ehtiyatlı davranmağın vacibliyini göstərir

Qeyd edək ki, Hugh Pill, İngiltərə Bankının Pul Siyasəti Komitəsinin (MPC) ən şahin (hawkish) üzvlərindən biri hesab olunur. O, may və avqust aylarında da faiz endirimlərinə qarşı çıxan yeganə mütəxəssislərdən biri idi.